Les Pages Jèrriaises

J'sis-t-i' bein acanté m's anmîns

I get by with a little help from my friends

Tch'est qu'en est si j'chantais en gambe de tchian
ou vos mât'têtes épis m'mettrêtes bas?
êcoutez-mé et j'vos chant'tai un chant
mais jé n'voudrais pon vos chanter quas

O j'sis-t-i' bein acanté m's anmîns!
Mm j'sis-t-i' bein à chanter ès anmîns!
Mm j'y'ai-t-i' bein êcanté, m's anmîns!

Tch'est qué j'fai quand m'n amour est liain d'mé?
Es-tu gêné d'êt' à tan tou seu?
Coumme tchi qué j'sis à la fîn d'la journée?
Es-tu mêfiant et malheutheux?

Nânnîn, j'sis bein acanté m's anmîns!
Mm j'sis-t-i' bein à chanter ès anmîns!
Mm j'y'ai-t-i' bein êcanté, m's anmîns!

As-tu bésouain d'tchitch'un?
Jé veurs tchitch'un à aimer
Ch's'sait-i' ofûche un châtchun?
Jé veurs tchitch'un tch'est à mé

Crai-tu en l'amour à preunmié veue?
oui, j'sis seux qu'nou vait tréjous d'ité
Tch'est qu'tu vai en dêtouônnant la veue?
Jé n'sai pon, mais dé vrai ch'est à mé.

O j'sis-t-i' bein acanté m's anmîns!
Mm j'sis-t-i' bein à chanter ès anmîns!
Mm j'y'ai-t-i' bein êcanté, m's anmîns!

As-tu bésouain d'tchitch'un?
Jé veurs tchitch'un à aimer
Ch's'sait-i' ofûche un châtchun?
Jé veurs tchitch'un tch'est à mé

O j'sis-t-i' bein acanté m's anmîns!
Mm j'y'ai-t-i' bein êcanté, m's anmîns!
Mm j'sis-t-i' bein à chanter ès anmîns!
Oui j'sis-t-i' bein acanté m's anmîns!
acanté m's anmîns!


 

Viyiz étout:

 

Les Pages Jèrriaises