La premièthe est Souky,
Qui marche en pithettes,
Ou n'fait pon grand bri
Car la pouore garce est muette.

La deuxième est Rachel,
Qui r'garde 'd'travers ;
Ou n'est pon la pus belle
Par rapport à ses yiers.

La treisième est Sara,
Qu'a perdu l'entendement,
Et jamais n'l'ertrouvtha,
Bain malheutheusement.

La quatrième est Esthé,
Qui klliopine d'un pit;
Ou faillit a' s'tué
En qhui'ant du sohï.

La chinquième est Charlotte,
Quès bain mal attaquie ;
Ou' n'veut pon mettre de bottes
Ni d'souliers a ses pids.

La siexième est Betsy,
Qu'a la tête toute d'un bord;
N'ou n'peut pon l'ardraichi,
'Sai li causé la mort.

La septième est Lizé,
Qu'a perdu touos ses kveux ;
A la vais sans chapé,
C'h'est assez pour faithe peux.

La dernièthe est Julié,
Qu'a perdu la raison ;
Ou fait ditez cris
Qu'ou'l en chaque la maison,

C'h'est mes filles il est vrai,
Et n'faut pas murmuther ;
Mais si n'y'avait qu'a mé,
J'voudrais bain l's'enterrer.