Tch'est qu'jé f'thons de touotes nos hardelles?
Je voudrais bein saver.
Une femme toute seule n'a pon la vie bein belle,
Mais nou'z'en vé des chents,
De ches filles sans galants,
Tchi n'peuvent pon parvenin à lus mathier!
Oh! les pouorres hardelles!
Les pouorres hardelles! Les pouorres hardelles!
Tch'est qu'jé f'thons de touotes nos hardelles?

Tchi faithe de ches filles solitaithes
Quand les hoummes ne veinnent pon,
L'z'oter de d'sus les bras d'leur pethe et methe?
Car ch'est par mille et mille,
Que nous vé des vieilles filles,
Tchi n'peuvent pon parvenin à lus mathier!
Oh! les pouorres hardelles!
Les pouorres hardelles! Les pouorres hardelles!
Tch'est qu'jé f'thons de touotes nos hardelles?

Tchi dithe des filles sans amouotheux?
Tchi qu'menchent à s'faithe anciennes.
S'nou pouvait s'en qu'liergi qu'nou s'sait heutheux,
Mais las! j'sis au m'sespé;
J'en ai neuf: pliaigniz-mé!
Tchi n'peuvent pon parvenin à lus mathier!
Oh! les pouorres hardelles!
Les pouorres hardelles! Les pouorres hardelles!
Tch'est qu'jé f'thons de touotes nos hardelles?

Tchi faithe avec autant d'hardelles?
Que j'n'en peux pas pliéchi.
Si j'n'en avais pon une telle ribandelle,
P't'être qué j'réussithais,
Et qu'j'en pass'rais dô'-treis,
Tchi parveindrait enfin à lus mathier!
Oh! les pouorres hardelles!
Les pouorres hardelles! Les pouorres hardelles!
Tch'est qu'jé f'thons de touotes nos hardelles?

Tchi minzèthe ov' touotes ches hardelles,
Tchi m'dêpensent ma fortune,
En rubans, flieurs et mille autr' âtivelles -
Si m'en v'nait une djezième,
L'Recteu' éthait sa djème,
Chette'là, au mains dévthait pouver s'mathier!
Oh! les pouorres hardelles!
Les pouorres hardelles! Les pouorres hardelles!
Tch'est qu'jé f'thons de touotes nos hardelles?