À la Glouaithe dé Dgieu
| Sentence dé la Bibl'ye | Amendez-vous, car lé Rouoyaume des Cieux est près. |
| Cantique | |
| Prêtre | Mes chièrs fréthes et soeurs, l'Êcrituthe sainte nouos appelle, à plusieurs pièches, à r'connaître et dé confêsser la multitude dé nouos péchés et dé nouos îniquités; et ou nouos dgèrnit qué j'né dév'thions pon les muchi d'vant la fache dé nouotre Bouân Dgieu, mais qué j'dév'thions les confêsser d'un tchoeu humbl'ye, pénitent et obéissant, pouor en obténîn lé pardon par sa mînséthicorde înfinnie. Ch'est pourtchi, j'vos prie, touos vous tchi sont ichîn aniet, dé m'accompangni, d'un tchoeu pur et d'eune vouaix humbl'ye, au trône dé la grâce céleste, disant après mé: |
| Confêssion Générale |
Notre Père tout-puissant, j'té d'mandons d'aver pitchi sus nous pa'ce qué j'avons transgressé tes saints c'mandements et j'n'avons pon fait les choses qué j'dév'thions aver faites; et j'avons fait les siennes qué qué jé n'dév'thions pon aver faites.
Bouân Dgieu, pardonne ches'-là tchi confêssent lus fautes et fait grâce à ches'-là tchi sé r'pentissent suivant tes promêsses faites au genre humain, en Jésû-Christ, nouotre Seigneur. Et accorde-nous, Père très mînséthicordieux, pouor sén amour, qu'à l' av'nîn, j'pouôrrons vivre sobrément, bouonnement et r'ligieusement, à la glouaithe dé tan Nom saint. ÂMEN. |
| L'Absolution | Dgieu tout-puissant, accorde à tan peupl'ye, tan pardon et ta paix, à seule fîn qué j'séyons purifiés dé touos nos péchés et qué j'piêssons té sèrvi aniet en trantchillité d'esprit, et j'lé d'mandons au Nom dé nouotre Sauveur, Jésû-Christ. ÂMEN. |
| Prêtre ou Minnistre | Seigneur, ouvre nos lèvres. |
| Rêponse | Et nouotre bouoche annonc'sa tes louanges. |
| Prêtre ou Minnistre | Êtèrnel, dêpêche-té pouor v'nîn à nouotre aide. |
| Rêponse | Dêpêche-té pouor v'nîn à nouotre aide. |
| Prêtre ou Minnistre | La Glouaithe sait au Péthe et au Fis, et au Saint-Esprit. |
| Rêponse | Comme ch'tait au c'menchement, comme ch'est à ch't heu et comme ch'la s'sa à tout janmais. ÂMEN. |
| Prêtre ou Minnistre | Louangiz lé Seigneur. |
| Rêponse | Lé Nom du Seigneur sait louangi. |
| Sieaume | |
| La Preunmié Léçon | |
| Cantique | |
| La Deuxième Léçon | |
| Lé Symbole des Apôtres |
J'crai en Dgieu, lé Péthe tout-piêssant, Créateu des Cieux et d'la tèrre:
Et en Jésû-Christ, san Fis unnique, nouotre Seigneu tch'a 'té conçu du Saint-Esprit et né d'la Vièrge Marie, a souffèrt souos Ponce Pilate, a 'té crucifié, est mort et a 'té ensev'li; il est descendu en enfé; lé traîsième jour il est ressuscité des morts; il est monté ès Cieux; il est assis à la drouaite dé Dgieu lé Péthe tout-piêssant; et d'ilà i' veindra jugi les vivants et les morts. J'crai au Saint-Esprit; J'crai en l'Églyise unnivèrselle; la Communion des Saints; la Rémission des péchés; la Résurrection dé la chai, et la Vie êtèrnelle. ÂMEN. |
| Priéthes | |
| Prêtre ou Minnistre | Lé Seigneu sait auve vous. |
| Rêponse | Et auve t'n esprit. |
| Prêtre ou Minnistre |
Prions Dgieu. Seigneu, ai pitchi d'nous. |
| Rêponse | Christ, ai pitchi d'nous. |
| Prêtre ou Minnistre | Seigneu, ai pitchi d'nous. |
| Notre Père (à l'option) | |
| Prêtre ou Minnistre | O Seigneu, fai lithe sus nous ta mînséthicorde. |
| Rêponse | Et accorde-nous tan salut. |
| Prêtre ou Minnistre | O Seigneu, sauve la Reine. |
| Rêponse | Et êcoute-nous par ta grâce quand j'té d'mandons. |
| Prêtre ou Minnistre | Habil'ye tes minnistres dé justice. |
| Rêponse | Et rêjouis tan monde chouaîsi. |
| Prêtre ou Minnistre | Seigneu Dgieu, d'livre tan monde. |
| Rêponse | Et bénie tan héthitage. |
| Prêtre ou Minnistre | Donne-nous la paix dans nouos jours, O Seigneu. |
| Rêponse | Pa'ce qué i' n'y' a qué té tout seu, O Bouân Dgieu, tchi combat pouor nous. |
| Prêtre ou Minnistre | O Dgieu, fai nos tchoeurs purs. |
| Rêponse | Et né nouos prend pon l'Esprit dé la Sainteté. |
| Priéthes par lé Minnistre | |
| Cantique | |
| Sèrmon | |
| Cantique et la collecte | |
| Priéthes et La Bénédiction |
Viyiz étout: