|
Chu seu m'a r'teurtchi eune couronne flieuthie dé blianches pétales arrouôsées dé rose vîn; seulement soûffliant un rodgîn dg'ieau dé vie tch'a entouôrré ma tête dé s'n èrtunfîn. Y'a chînquante ans, not' Duc fut couronné; j'ai veu les couleurs tchi couronnent nos mâts. Les flieurs enivrent - les bouais, ieux, sont chonmés. Trîntchiz vos vèrres, et briyiz vos houzzas, mais j'bai un litcheu bein miyeu qu'les lis - ches bieaux lis d'Lîzabé, ches flieurs dé seu. Pus seux qu'un trône dans chu rouoyaume bragi, j'sis couronné sus l'Mont dé Saint Saûveux.
Geraint Jennings |
Viyiz étout: