Les Pages Jèrriaises

Lé Châté d'Caerffili

Souos la tou cantée
j'ai un êcant, mé,
d'mouothi adenté,
êglianmi par l'êcrouôl'lie dé chutte tou.

Vé-t-en, êcrouôl'lie!
Dêtruis ma folie.
J'sis à Caerffili
au châté où'est qu'eune tou fait un dêtou.

Dêtouônnée d'êtchèrre,
dêladgie en dgèrre;
j'tchais bas souos ches pièrres
sus man cant et hanté par ch't adgève-tout.

Geraint Jennings
23/10/2016


 

Viyiz étout:

 

Les Pages Jèrriaises