Les Pages Jèrriaises

Lé Châté d'Caerdydd

Les marmoûthieaux sus les muthâles
halent des livres qu'i' dêchithent;
sus la montée, eune crocodile
hante lé Châté d'Caerdydd.

Dé l'or en as-tu en veurs-tu,
dé vrai la d'meuthe d'vandgîthe -
des pangolîns et pliatypus
hantent lé Châté d'Caerdydd.

Des lapîns et colînmachons
lé tou dé l'âtre rattîthent
du Mouoyen Âge lé rêvillon,
hantant l'Châté d'Caerdydd.

Geraint Jennings
26/10/2016


 

Viyiz étout:

 

Les Pages Jèrriaises