Saînt Dâvi a 'té lé Saint des Galles dépis 1123 quand lé Pape Callixtus II officiellement approuvit san tchulte.
I' fut né dans les 500, auprès d'la cîté d'aniet dé Saint Dâvi.
I' fut êdutchi par Paulinus et dévînt abbé dans lé monastéthe sus les avaux dé Carn Llidi où i'soulait aller pouor pâler auve les anges.
Duthant lé siexième siècl'ye, Dâvi transféthit la commeunauté à san propre monastéthe à Glyn Rhosyn dans la trantchilité d'la vallée d'la riviéthe Alun. Ichîn, Dâvi et ses mouaines portaient les pieaux des annimaux, ne mangaient qué d'pain, des lédgeunmes et baivaient dé l'ieau et halaient lus propres tchéthues; pouor Dâvi étout - l'înmèrsion totale dans l'ieau fraide en èrcitant les Êcrituthes.
Lé monastéthe dévînt fanmeux pouor sa connaîssance et sén ascéticisme. Duthant sa vie, i'tait missionnaithe en Irlande, Cornouaille et Brétangne, et au pays d'Galles i'êtablit plusieurs églyises.
I' mouothit en 589 et ses r'liques fûtent gardées au monastéthe qui fut dêtruit plusieurs fais par les Vikings. Aniet, tchiques os muchis, qué nou-s-a creu d'être les siens, fûtent trouvés duthant restorâtion et à ch't heu, i's'trouvent dans un modèrne côffret.
Ralph Nichols
1/3/ 2004
Viyiz étout: