La preunmiéthe Bâtale des Flieurs s'pâssit en mille neuf chents deux pouor lé courronnement du rouai Douard Huit et d'la reine Alexandra et oulle avait continnué à travèrs l's années à l'exception du temps des deux dgèrres mondiales.
La preunmiéthe dgèrre mondiale affectit mauvaisement la Bâtale des Flieurs et autcheune prôcession n'eut lieu d'pis mille neuf chents quatorze jusqu'à mille neuf chents dgiex-huit. La Bâtale fut ajournée seulement eune fais à cause du temps et chenna fut en mille neuf douze, mais même chutte année-là la parade eut lieu un mio pus tard.
Y'eut aut' înterruption aupres la fête dé mille neuf chents trente-neuf qué continnuit duthant l'Otchupâtion. La Bâtale èrquémenchit en mille neuf chents chînquante tch'ieune et d'pis chutte année oulle a restée dans sa pliaiche d'honneur à l'avenue dé Victoria.
Avoû l's années l's êtalages déveinnent dé pus sophistiqués et nou-s-a alloué l'întroduction dé flieurs en papi.
Viyiz étout: