Les Pages Jèrriaises

À la sinnette dé jeu

When morning gilds the skies

À la sinnette dé jeu,
né v'chîn lé chant d'man tchoeu:
Qué Jésû sait louangi!
En priéthe, en travas,
Jésû est mén appias:
Qué Jésû sait louangi!

Quand l'solé c'menche à lithe,
il est mêtchi d'èrdithe:
Qué Jésû sait louangi!
Et dé chinner auve jouaie
en chantant dé bouonne vouaix:
Qué Jésû sait louangi!

Quand la vouaix du cliochi
sonne ès vaux et côtis:
Qué Jésû sait louangi!
Êcoutez don les clioches
et lus sonn'nie si douoche:
Qué Jésû sait louangi!

Ma langue né s'lâss'sa pon
à chanter la chanson:
Qué Jésû sait louangi!
Et l'tchoeu acanté mé
chante dèrché et dèrché:
Qué Jésû sait louangi!

Quand j'ai les esprits bas,
chu chant m'ravigot'ta:
Qué Jésû sait louangi!
Quand tout l'tou y'a d'l'aigrîn,
ch'est d'èrouï ches mots-chîn:
Qué Jésû sait louangi!

L'avant à un fricot,
nou-s'a à r'dithe ches mots:
Qué Jésû sait louangi!
Et quand nou va s'couochi,
nou r'pense à Jésû Chri:
Qué Jésû sait louangi!

Chantez, leunes et solés
dans l'espace parfénés:
Qué Jésû sait louangi!
et tout chein tch'a 'té grée
èrchant'ta dé bouôn gré:
Qué Jésû sait louangi!

J'èrchant'tai toute ma vie
chu bieau cantique d'affi:
Qué Jésû sait louangi!
Épis au drein soupi,
j'ouïthai du Paradis:
Qué Jésû sait louangi!

 

Viyiz étout:

 

Les Pages Jèrriaises