Dans touos les coins du monde entchi,
Dans bein des langues dé l'êtrangi,
Nations, rouoyaumes, et peupl'yes êtranges
Bénissent Tan Nom, chantant Tes louanges!

Tan règne, Sauveur, est glorieux,
Et tout bonheur nouos veint des cieux!
Tan trône, à drouaite dé l'Êtèrnel,
Est souche dé tout ch' tch'est spirituel!

Toutes criatuthes, touos Tes êfants.
S'accordent au Chant des Triomphants,
Rêjouis, et tchittes dé touos soucis,
I' chantent l"'AMEN" dans l'Paradis!

Amen.

Vèrsion par George F. Le Feuvre