Les Pages Jèrriaises

Qué Dgieu est grand!


Seigneur, man Dgieu, quand ravi et extâsié
J'considéthe la Créâtion qu'Tu'as fait,
Quand j'vai l's êtailes, j'en' sis janmais rassasié
D'admither l'êvidence dé tan pouver

Un chant dé jouaie remplyie man tchoeu et crie
Qué Dgieu est grand! Qué Dgieu est grand!
Un chant dé jouaie remplyie man tchoeu et crie
Qué Dgieu est grand! Qué Dgieu est grand!

Quand j'vai les bouais qu'ta providence a plianté,
Et l'ieau dans l'dou, et lé vent tchi respithe ;
L'odeu des flieurs et touos les ouaîsieaux chanter,
Et d'la natuthe, la bieauté qué j'admithe.

Un chant dé jouaie remplyie man tchoeu et crie
Qué Dgieu est grand! Qué Dgieu est grand!
Un chant dé jouaie remplyie man tchoeu et crie
Qué Dgieu est grand! Qué Dgieu est grand!

Quand j'réalise qué Dgieu san fis a envié
Pour mouothi à ma pliaiche, pour man péché,
Sus la Sainte Crouaix, la pensée m'en fait tremblier,
Toutes les bliesseûthes qu'il enduthit pour mé.

Un chant dé jouaie remplyie man tchoeu et crie
Qué Dgieu est grand! Qué Dgieu est grand!
Un chant dé jouaie remplyie man tchoeu et crie
Qué Dgieu est grand! Qué Dgieu est grand!

Quand I' r'veindra suivant la procliâmâtion,
Pour qu'si les cheins, puthifiés par san sang,
Man tchoeu en jouaie, et humbl'ye dans l'adorâtion,
N'arrêt'ta pon dé dithe, “Qué Dgieu est grand!”

Un chant dé jouaie remplyie man tchoeu et crie
Qué Dgieu est grand! Qué Dgieu est grand!
Un chant dé jouaie remplyie man tchoeu et crie
Qué Dgieu est grand! Qué Dgieu est grand!
 

Vèrsion Jèrriaise d'eune vèrsion Dgèrnésiaise dé "How Great Thou Art"

 

Viyiz étout:

 

Les Pages Jèrriaises