Les Pages Jèrriaises

Seigneu dé l'espéthance

Lord of all hopefulness

Seigneu dé l'espéthance, Seigneu d'la jouaie,
en tchi j'avons confianche fais et fais sus fais,
sai auve nous au matîn, et donne-nous, Seigneu,
ta jouaie dans nos esprits à la sinne dé jeu.

Seigneu dé l'oblyigeance, Seigneu d'la fouai,
tchi tchèrpentais atout lé chîsé et l'bouais,
sai auve nous en travas, et donne-nous, Seigneu,
ta forche dans nos esprits tréjous à méjeu.

Seigneu d'la beinfaîsance, Seigneu d'la vie,
tréjous prêt à atchilyi et embraichi,
sai auve nous et siez nous, et donne-nous, Seigneu,
ta grâce dans nos esprits à ces sé, achteu.

Seigneu du natuthé, Seigneu d'la paix,
tchi nos trantchilise atout l'bonheu d'ta vouaix,
sai auve nous en dormant, et donne-nous, Seigneu,
tan calme dans nos esprits à la tchête du jeu.

Viyiz étout:

 

Les Pages Jèrriaises