Les Pages Jèrriaises

Ô glorieux Anges du Ciel

Ye Holy angels bright

Ô glorieux Anges du Ciel,
À la drouaite du Bouân Dgieu,
Ous êtes Ses Sentinnelles
Et gardgiens d'San Saint Lieu.
Chantez auve nous,
Car d'ichîn-bas
Jé n'pouvons pas
Nouos graie sans vous.

Les âmes tchi sont au r'pos,
Auprès la tâche finnie,
Vaient la fache du Seigneur
Tch'êcliaithe lé Paradis.
I' chantent Ses louanges
Dans l'Saint Sanctuaithe
Pliein d'Sa leunmiéthe
Et l'chant des Anges.

Ô Saints, tchi sont 'chîn-bas,
Adorez lé Sauveur.
En attendant l'trépas
Séyiz Ses sèrviteurs.
Prannez la vie
Comme I' la donne
A châque pèrsonne
Tchi siet S'n avis.

Qué mén âme, dans l'Saint Lieu
Parmi les Triomphants,
Glorifie lé Bouân Dgieu
Dans l'harmonie du chant.
Qu' êtèrnellement
I' sait louangi
Et l'monde entchi
Lî prête sèrment.

Amen.

 

Vèrsion par George F. Le Feuvre

Saint Gabrié - vèrrinne dé Bosdet dans l'Églyise Pârouaîssiale dé Saint Jean
 

Viyiz étout:

 

Les Pages Jèrriaises