|
Jésû est not' bouonne fondâtion; Jésû est la preunmié pièrre Dé l'églyise tch'est bâtie sus Li Dans lé ciel et sus la tèrre. Ch'est Li, tch'est not' templ'ye dé salut Dans la paix dé l'unnivèrs. À l'abri dé ches saintes muthâles, Souos lé lief dé Ta bouonté, Êcoute les patholes des fidèles Et donne-lus chein tch'est d'mandé: Dans Ta glouaithe, trouver eune maîson; Siez les saints, tréjous d'meuther. Quand nos tchoeurs chant'tont tes cantiques, Ch'est la fouai tch'est à bâti. Touos nos vouaix ensembl'ye èrchant'tont Ès Péthe, Fis et Saint Esprit, Nos louanges dé jouaie et dé confianche Montant jusqu'au Paradis. Louangiz l'Péthe, not' bouôn Créateu, Louangiz l'Fis, not' bouôn bèrger, Louangiz l'Esprit, not' parchonnyi: Trais en Iun et Iun en Trais, Unnis dans la glouaithe et l'pouvé Achteu et à tout janmais. |
Viyiz étout: