Les Pages Jèrriaises

Mont Orgueil

Le Mont Orgueil est un bâtisse superbe,
Dans les parages dé l'este d'l'Ile dé Jèrri.
Drait sus la côte, sus un înmense rotchi
En veue d'la Normandie, il est pliaichi
Au sud, La Baie d'Grouville et sa cauchie,
Tchi donne abri à tant dé p'tits batchieaux;
Entouré par la mé sus trais côtés,
Et joint à la tèrre dé par lé nord-vouest.
Un mont d'ordgi, auv' san rempart bein long!
Quatres grand's portes, quatres portâs, et les boulevards!
Forterêsse formidabl'ye! Et tout en pièrre!
Et chîn et la, tchinze bouannes piéches d'artill'lie,
Tchi raîsonnent au besoin, à d'fendre l'île;
Toutes fais et quantes, solid contre l'ennemîn!

William Prynne
Vèrsion Jèrriaise A.L.P.
 

 

Viyiz étout:

 

Les Pages Jèrriaises