Les Pages Jèrriaises

Marchandise bain vantée


Avous veu l'Almanâ d'la Nouvelle
Avec sa couvertuthe si belle?
Avous veu Moussieu l'Bailli Vernon?
Et l'Gouverneux? Et l'Doyen, don?
Avous veu touos les soudards français
Apitchis l'long des rédgulliers angliais?
Avous lu lus r'capitulation?
Et lus histoèthes? portèz y attention!
Et lus mathèes? car ch'est là les miyeuthes,
I font la mé monter d'accord avec lus heuthe!
Et pis n'dites pas qué j'fais d'z'êloges exagéthèes
Ch'est dans lus propre articl'ye je l'sai ramassèes!!

 

Elie

 

Viyiz étout:

 

Les Pages Jèrriaises