Les Pages Jèrriaises

Qu'ch'est qu'mode!!!


Quand ou voulez, bouannes gens, d'tchic chose vous rassouv'nin,
Qué ché s'sé l'jour qu'ou mintes poules ou canotte à couer,
Qu'ou z'attendez vos vaques ou vos biches à r'nouv'ler,
Les jours dé vos tchéthues - des siennes à vot' vêsin,
Ou du jour qu'ou qu'menchites à plianter vos patates,
Oùest don qu'ou mettez bas toutes chês difféthentes dates?
Ch'est sus l'Almanâ d'la “Nouvelle Chronique”!!

Quand ou trouvez l'mot acres en liêsant de l'anglais,
Combien est qu'ch'est d'vrégies? Tchi livre est-qu'i vos dit?
Et vos doune les caltchuls dé Moussieu Messervy,
Avec toutes difféthences dans les m'suthes et les poèds?
L'heure de la haute mathée - si qu'mode pour nos pêcheurs,
Ov tchiques vers dé Jersiais par diffethents auteurs?
N'êche pon l'Almanâ dé la “Nouvelle Chronique!”

 

C.H. Abbot

 

Viyiz étout:

 

Les Pages Jèrriaises