Les Pages Jèrriaises

Man Toppeur

Tch'est qu'était à la mode y'ià trent' sept ans.
Tch'est qui n'est deshallè qué pour enterrements,
Et à tch'est què nou n'ercounnait pon le drièthe du d'vant
Man Toppeur

Tch'est qui n'erlise pon comme quand y' l'tait neu;
Tch'est mertchi coumme dé véreulle quand y plieut,
Et tch'est qui m'donne unn' job à l'er sitchi au feu!
Man Toppeur.

Dans tch'est qu'unn fais en l'dèshallant dé l'armoithe,
Y sé trouvit unn' grosse Reine toute prête à y faithe
Dans un coin du lining sa vèsprièthe!
Man Toppeur

Tch'est qui m'donne du travâs et dé l'espoustéthie,
Pour le cliergi dé ponsi et dé taielles d'irognies,
Et me fait biatchinner san d'hors ov' dé la sie!
Man Toppeur

Tch'est qu'est un mio côssi par s'être assis dessu,
Qu'a yieu les bords usès en faisant des saluts,
Ah, jé crains qu'a la mode tu n'er veindras pus
Man Toppeur

Quand jé l'achati y'l' tait de toute biautè,
Neuf pouces de haut, ov' un p'tit bord drait,
Mais tes frèthes d'ach'teu l'ont tout ercorlè
Man Toppeur

Enfin vier chapé, j'vieillissons touôs les deux,
Tu n'as presqué pas de pé, mé, jé perds mes qu'veux,
Not' fin veindra pour seûthe, heureux ou malheureux
Estche pon vier Toppeur

J.P.
 

Viyiz étout:

 

Les Pages Jèrriaises