|
Veur-tu que j'té conte, En t'chique petits mots, Coumment faire taithe la goulle, Es envieux et ès sots ? Coumment joué bouanne gamme En étai, en hîvé, Resté maître de ta femme Avec ten Vier Chapé ? Veur-tu joui de raison, D'honneu et d'erpôs ? Etre le chef de ta maison, Faire enragi les fôs ? Alors cré mé men vieux, N'y'a pas à s'y trempé ! Ch'est que, pour vivre heureux Faut t'nîn au Vier Chapé ! Si je té racontais Les minsèthes de ma vie, Et le nombre de fais Que j'avons y'en des d'vis? Quand ma femme me disait Nen, jammais avec té, Je nîrai m'erproum'né, Si tu n'change du Chapé ! N'oublie pas, vier garçon, Ta femme se mârira ; Te fianqu'zha une leçon, Si tu garde chu Chapé là Ne voudra pûs avec té, Ma fé, s'er présenté, Tant que ta liberté Sétha dans l'Vier Chapé. Saisis-bein ch'que c'h'té dis, Ch'est l'êmancipation, Que j'voudrais accomplli Avec modération ? Or, quand ta femme ditha : “Acatte un neu Chapé” Tu rêpondras: “Nina, J't'chiens à ma liberté!” Alors à la promenade, Libre ! et la conschience nêtte, Avec tes camarades Contant des sornettes! Tu pouorras te vanté “D'Honneu de Liberté!” Et dire en vérité : Hourras le Vier Chapé! Carlo
|
Viyiz étout: