|
Chest femmes, filles et êsfants qui mettent un "Bonnet à Collet" Y yia plusieurs anneaies que n'ou z'en mettait: Chest bein vrai qui n'yia rein d'nouvé sçouos soleit, Pas même le "Bonnet" à Collet. Les femmes les mettaient le temps pâset, Dans lus gardein et pour allé au vraic; Quand y les mettaient, t'chet pas par ord'gyï; Tchet seulement pour lus gardé l'abri. Mais y fallait qui fusse bein êmbzet et bein net, Et pis bein poffet, lus bouan "Bonnet" à Collet. Chest bein vrai qui sont hardi à la mode, Et en effet y sont extrêmement q'mode. Achteu tous les mettent en aoutcheun temps, Avec des bracelets et des grands long gants, Qui faiche pyïe, où qui yiait du soleit, Y mettent tréjous lus "Bonnet" à Collet. Combein q'nou z'en vait de chest belles petites filles, A lus promenai en campagne et en ville; Nou za d'la peine à vais lus belle petite fache, Accafottées dans chu "Bonnet," chest pouore petite garses. Si les hommes en mettaient t'chesque q'ou z'en criyïs, Je crai qui pathaîstrais comme des pithots koiêfis; Y pathaîstrais bein drôle en effet, Si chest qui mettaient un "Bonnet" à Collet. J'ein crait pas qui sçont à la mode longtemps; Y n'sont pas bieaux assez pour des jeunes gens: Et pis y n'sont pas q'mode quand n'ou s'entre dit "Good bye." J'nai pas besoin d'explitchit pour t'chit - "YOU KNOW WHY"!! Georgie |
Viyiz étout: