Av'ous janmais gouôté l'kir Nouormand? Ou connaîssez sans doute lé kir - eune vèrrée d'blianc vîn auve du litcheu d'cassis dans. Mais j'avons eune vèrsion à nous ichîn en Nouormandie.
Y'a deux avis sus l'kir Nouormand: y'en a tchi dithent qué ch'est du cassis auve du cidre, et d'aut's dithent qué ch'est pustôt eune m'suthe dé cassis, auve eune m'suthe dé calvados auve du cidre.
Les deux èrchettes sont coumme chennechîn don:
1 m'suthe dé cassis
ajouôtez du cidre
1 m'suthe dé cassis
1 m'suthe dé calvados
ajouôtez du cidre
Né v'là la vèrsion Nouormande d'eune bouaîsson bein populaithe - et faichonnabl'ye.
Mais l'originne du kir est liain d'la Nouormandie - en Bourgongne, où'est qu'lé litcheu d'cassis fut înventé en 1841 par un marchand à Dijon.
L's habitants là-bas prîndrent la couôteunme dé mêler du cassis dans lus vêrrées d'blianc vîn, et d'vièrs 1904 la meunicipalité dêcidit d'rempliaichi l'champangne ès vîns d'hounneu auve chu “blianc-cass”.
Auprès la dgèrre, Félix Kir (1876 - 1968), ancien tchuthé d'campangne, d'vînt maire d'la ville dé Dijon et député. I' s'întérêssait hardi à la tchestchion d'“jeunmélage” dé villes, et y'avait don un tas d'vîsiteurs tchi v'naient à l'Hôtel dé Ville dé Dijon et tchi rencontraient chutte spécialité et portaient l'idée siez ieux.
La bouaisson r'chut l'nom d'kir en hounneu du maire.
Y'a acouo tchiques variâtions:
Viyiz étout: