|
Ma femme et mé j'd'meuthons touos seurs Dans eune maieson parmi les flieurs, J'bai du cidre et yi du thée Et j'sommes tréjous heûtheurs et dgais.
Èrfrain
Touos les jours j'sis dans les clios,
Èrfrain,
Lé matîn d'vant qu' d'alleunmer l'feu,
Èrfrain,
J'al tréjous pour mé rassasier .
Èrfrain,
Man jour finni, j'aime à m'caûffer .
Èrfrain,
|
Dans sa Lettre du Bouanhomme George du 10 d'Août 1974, George Lé Feuvre donnit eune difféthente vèrsion d'Ma Modgie d'Cidre qu'chette-là. I' dit étout qu'la vèrsion Jèrriaise fut composée par EJ Luce "y'a dêjà bein d's années..."
|
Ma femme et mé j'd'meuthons touos seurs Dans eune maiethon parmi les flieurs; Je bai du cidre et lyi du thée Et j'sommes tréjous heutheurs et dgais. Èrfrain Ha! ha! ha! - ma modgie d'cidre, I' m'en faut un p'tit lèrmîn! Ha! ha! ha! - ma modgie d'cidre, Vite acouothe un p'tit gouttîn. Lé matîn d'vant man dêjeuner, Jé file tout drait dans man preinseu; Jé happe un mogue et bai eune lache Pour mé rafraîchi la fache. Auprès qu'j'ai souongni les bestchieaux, Jé vais travailli dans les clios; À la maîntchi d'la matinnée J'dêhale man cidre et ma beurrée. Touos les jours pour mé rassâsier - Eune bollée d'soupe à man dînner, Patates et lard - oh! l'bouôn fricot, Et du cidre à tare-larigot. Touos les sièrs j'aime à m'caûffer Auve ma bouonnefemme à côté d'mé; Quand tchi qu'oulle ouvre et dèrne ou coud, J'lié la gâzette et bai deux d'gouts. La dèrnié chose dévant m'couochi Jé bai eune vèrrée d'cidre bouoilli, Jé peux vouos dithe qué jusqu'à ch't heu J'n'ai janmais ieu bésoin d'docteu. J'espéthe dé vivre jusqu'à chent ans, Si ch'est qu'ou voulez en faithe autant I' faut baithe cidre caud ou fraid Pour êt' seux d'joui d'eune bouanne santé! |
Viyiz étout: