|
J'ai eun habit qui m'fait si bein; Chest comme n'ou dit, comme eun gant sus la main. Yia dèja bein des annais que je l'ai, Et j'espêthe bein des annais je l'mettrai, Man "Jacket." Y'm fait si bein et il est trejous si kmode, Mais y n'est pas trejous a la mode. Il est v'nu à la mode doeux s'tres fais, Et jamais, nan jamais, je ne le yieut ergrès, Man "Jacket." J'ein voudrais vraiment pas l'êchangi, Pour eune miyieu, pour eun pus chi; Qui faiche bé où meauvais temps, Je peux le mettre en aoutchun temps, Man "Jacket." L'aoutre jour j'alli en ville et je ne l'meins pas, J'rancontri doeux filles qui s'entre dirent en bas: Où n'la pon s'an "Jacket" ennièt, Esche que, par chance y scait euzet, S'an "Jacket." Nannin! Nannin! y n'est pon euzait, Et je ne voudrais pon quil y sçait. Il est trejous bein ergardait et admithait, Sustout quand il est bringi et frais faithait. Man "Jacket." Le temps pâset il était né, acheteu il est vert, Ou viyïe bein comment qui m'sert. Y m'a servit pour deu, acheteu chez espérance, Y ma donnet toutes les bouannes chances, Man "Jacket." Mais pour avé tait teint jamais nyia tet, V'la qui yiotait sa buoanne qualitait, Les manches sont courte, mais y sont kmode, Et pis acheteu y sont à la mode, Mais pas le "Jacket." Les chitchettes de cahuches n'yions jamais peu rein Car de temps en temps je l'paîvre et l'paîvre bein. Dabord y vos pique le nèes eun mio, V'la qui vos sert d'unne peinche de sno. Le paîvre pas l'Jacket. Enfein pour vos en fini l'histoithe, Je l'serre et l'enfrunme dans eun armoithe, Et pis jamais j'ein mets rein d'sus, Pour qui scait trejous frais comme eunne laîtue, Man "Jacket." Mais comme tout casse, tout lasse et tout passe, Il en sca de meme eune jour de man "Jacket."
|
Viyiz étout: