Ché n'tait occouo qu'hier qué j'viyais
Les clios, prèts èt valèt's
Touots trist's, chétis, èt qu'les pouôr's bouais
'Rsemblait à d'z-estchéyèt's...

Engnièt, v'là qu'tout dans la Natur'
S'ravigote èt s'rêjouie:
Jusqu'à la pus moindr' criatur'
En est toute erjeannie.

Ah! nou 'rconnais qu'ch'est l'Air-nouvé,
Car l'z-érond's sont 'rvénues:
L'coucou èt l'z-aut's ouêsiaux nou ouait,
Hè-pis nou respir' mux.

Les bouais, hè-tou, 'r-sont couèrts d'un tas
D'fiell's, ou d'flieurs blianch's coum' nè, -
Et des êpein's èt des lilas
L'air est tout embeaumè!...

J.D.R.