|
Je m'en vais k'emchi par le bouan Vier Chaté Que n'ou pouvait allé vais l'était passait par baté Nou pouvait y marchi tchet comme n'ou voulait Tchet la yieunne des pus belles fétes de l'annais, Mais pour le fricot y n'ant avait pon a r'bourtchi Et pourtant quand n'ou est yien n'ou aime bein a mangi. Et pis y avait étout les courses des Quenvais Que tous les fermiers voulais allé vais Y'avait du monde t'chet comme des Frémeins Y'an v'net de toute les cars et touos les kmins Mais n'ou n'pouvait pas avé de baithe ni de mangi, Ou bein fallait péyi chi et pis bein chi Y'avait eun jenne homme qui voulait a baithe, Et y donni enn gros chelin pour eun p'tit verre de bièthe. Y'avait longtemps que n'ou n'avait pas veu les Bretons La bouanne vielle fache qui vendais des ognons, Y'n fudre pas longtemps y fallait lus en allé Nou n'eut pas le temps de faithe sa provision d'hivé, Et pourtant ches si bon que l'ognon fricachi Seulement l'odeur vos ranime et ouvre l'apétit Et comme notre Jim ne pouvait pon s'passé d'oignon Il ouvri dans eun p'tit vaisiné unne Compétition Pour éprouvé le sien qui feraith craitre le pus d'ognon Il 'en accatirent tous a eun chelin sies Mess Corbé De biaux oignons fort touos près a planté Les siens a Jim craisseais diversement bein Mais il en prennait en hiver, divert soin, Quand y faisaits trop et qui craisais en chibo Tout d'eun coup et bein vite y lus copét le co Helen pianti les siens dans d'la terre bein graisie Car ou voulait si possible avé le premié prix, La p'tit Jane pianti les siens sans auchun embarras Dans eun terrain a l'abri mais pas trop gras Les siens vindre diversement vite et bein, Ou'l en avait qui étaient pus gros que son poing, Mais pour Jim et Helen lus grand contentement, Ches qu'il éthons d'la graine et pis gentiment, Car y montites tous sans aucune ecception Et notre Jim qu'aime tant les patates et l'ognon Avec eune tranche de jambon bein fricachi Il aime mus chu fricot la que du boeu rôti, Y dit que si toute sa graine est bein soignie Il en étha assais pour en s'mé doeux strais vergie, Y faut que je vos dise l'histoiethe de Mélie Qui l'annais passais avé tet si vraiment marie, Quand ou voulait enn "Motor Car" et ou fut desapointais Mais Ecoutais, Ecoutais, o'ula yieu cht'ennais, "Bravo, Bravo," bouanne petite Mélie Tu n'as pas laissi l'herbe craitre souos tes pids Tu ne porte pas les brais ches bein vrai Mais tuas eune bouanne tête souos ten chapé Si toute les femme faisais commé té Yiéthait pus d'enn homme meins a s'en d'é, Et pis l'histoithe de doeux hardelle Qu'alidre eun Dimanche a eune certaine Chapel, Y fudre meinse dans eun bein nice banc Avec eun vraie "Swell" qu'avait Tapeur et gans Y tès toute les doeux bein modeste et erdrechie La grande avé enn sèctein souos ses pids Ou ne criait pon le ma qu'ou tet a faithe Quand ou tet a "gnor," a dithe ses priéthe Car quand y vindre pour lus en allé Le janne homme ne pouvait pon trouvé sen chapé Y fudre les premierethe a lus en allé Et y n'avais pas les doeux pids dans eun soulié, Chaque y fis de s'en chapé je ne peut pas vos dithe Mais les hardelles ne sont pas finis d'en rithe Il l'avais fait servi de Séctein.
Et pis le grand d sies nous qui s'est mathiet |
Viyiz étout: