Les Pages Jèrriaises

La Choule

 

Rouaisouns 2002

Rouaisouns 2002

Rouaisouns 2002

 

La choule est eune vielle gamme Nouormande qu'nou soulait jouer temps pâssé – mais jé n'sommes pom seurs s'ou 'tait janmais jouée en Jèrri. Ch'est pôssibl'ye, en tout cas.

Mais tch'est qu'est la choule (connue étout coumme “la soule”)? Ch'est ieune d'ches vielles gammes dé balle tchi 'taient l's anchêtres des gammes d'achteu coumme lé football, lé rugby et lé hockey.

Ch'fut duthant l'dgiêx-neuvième siècl'ye qu'les gammes modèrnes fûtent standardîsées – tout preunmiéthement en Angliétèrre dans les grandes êcoles et l's unnivèrsités.

 

Rouaisouns 2002

Rouaisouns 2002

Rouaisouns 2002

Rouaisouns 2002

Rouaisouns 2002

Rouaisouns 2002

Rouaisouns 2002

Rouaisouns 2002

 

Mais tout chenna v'nait d'eune tradition dé gammes dé balles qu'nou jouait dans les villages. Châque village ou pays avait ses règl'yes s'lon tchi qu'nou jouait – et chenna pouôrrait m'ner à d's êtchipes dé difféthentes grandeurs – des grandes êtchipes ou des p'tites. Sans hôlouoges nou jouait s'lon la sonn'nie du cliochi d'l'êglyise ou s'lon la mathée ou même s'lon lé solé.

Nou lanchait, portait ou codpîsait la balle – et y'avait étout des vâriâtions auve eune sorte dé badgette tchi r'sembliait sans doute au hurling Irlandais ou au shinty Êcossais. La gamme pouvait êt' bein violente coumme les hoummes littaient pouor la balle dans eune manniéthe dé “dgèrre” – tchiquefais entré deux villages, ou entre les jannes gens et l's hoummes mathiés.

 

Rouaisouns 2002

Rouaisouns 2002

Rouaisouns 2002

Rouaisouns 2002

 

La choule 'tait pratitchie en Nouormandie, Picardie et jusqu'en Brétangne, mais l'întroduction dé sports modèrnes en France auprès la dgèrre Franco-Preusse dé 1870 (sustout coumme pratique militaithe pouor la modèrnîsâtion d'l'armée et l'urbannîsâtion d'la tchultuthe nâtionale) 'tait destinnée à rempliaichi les gammes traditionnelles coumme la choule.

 

Rouaisouns 2002   Rouaisouns 2002

Rouaisouns 2002  Rouaisouns 2002

 

Deux împortantes vèrsions d'la gamme sont la grande choule et la choule à la crosse.

La grande choule est jouée entré deux (grandes) êtchipes auve les pids, les mains et sans doute les poings. La choule à la crosse est jouée auve des badgettes, les pids, la tête et les mains.

Y'a un êffort achteu d'ravigoter chutte gamme en Nouormandie.

 

 

Viyiz:

 

Les Pages Jèrriaises