Les Pages Jèrriaises

Nancy et san Chapé

Notre Nancy voulait allé au "Cattle Show"
Mais genetêt pas pour y trouvé eun "Beau,"
Car ou'l en avait yieun de tout trouvait
Qui démeuthait sus la route qui mène a Gouerret;
Mais le "Cattle Show" est sa favorite fête,
Et ou voulait mettre sus sa tête
Eun neu Chapé.

Eun bouan jour, le matin, où sansmencipit
De san allé en ville tout drait siez Mess Tivi;
Ou lus d'mandi eune chapé qui fusse réduit;
Y yian maustridre eune bé, mais eun mio chit;
Mais y n'tait pas du tout, du tout réduit.
Ou dis j'ai ergret de n'pouvait pas l'emporté,
Car chest eun "nice" Chapé.

Mais comme chest sa sorte de voulait bardgini,
Ou lus dis que ou'l trouvait eune mio trop chi.
Y didre qu'il réduirais après la bataille de fieurs;
Mais ou pensi en yi mème, j'ithai allieurs.
Ou r'garde et r'garde dans toutes les f'nêtres,
Pour vais si, pour sa pouore vieille tête,
Ou trouvthait eun Chapé.

Quand où vint sies Sandher, ou l'en vit yieun à la f'nêtre,
Ou pensi en yi même tchina me f'tha p'têtre.
Ou'l entre tout drait et lus d'mandit pour le prix,
Et ou lus d'mandit s'il en avais de réduits;
Nannein y dirent, pas d'vant la bataille,
Mais ou s'dis d'giantre oueque qui faut que j'aille,
Pour eun Chapé.

De bouanne humeur avec eun "nice" souorit,
Où pensi je m'en r'vais pour le sien de Mess Tivi,
Et ou lus dis je veins pour le bieaux neu Chapé
Que ou z'avaites tait si "kind" de me montré,
Et ou lus dis que san gallant yiavait dit -
- D'allé le cherchit et qu'il en paithait la maintchi,
Et de même ou l'eut san Chapé.

L'Histoithe du Chapé racontait par li mème.


Quand ma maîtresse me preins de siez Mess Tivi,
Je fut meins dans eunne boiète et pis bein patchi,
Et je fut meins dans eune grand cabriolet,
Et je fut bein duversément bein portèt
Jusqu'a que enfein j'arrivimes sies yi,
Et ou me preins bein suoavement et m'serri.

Le lendemain était le jour de sa fête,
Ou me dèshali douochement et ne meins sus sa tête.
Oh! comme ou dis je t'ai yieu pour te mettre,
Ch'est pourtchi y faut bein t'y soumettre,
Et depis chu jour là, criyis me si vos piais,
Ou ma meins et rameins déja pus de trente fais.

Ou m'aime tant que ou ne peut pas me tchité,
Ou dit que ou crait que j'lis fthait pour l'hivé,
En m'ertrimant avec eun "nice" mio de nier v'lous.
J'erséthait tout frais et bein pus doux,
Ou'l a payi chi, et bein chi pour m'avé:
Mais ou n'a rein a s'ergretté,
Car je crait que j'ai fait m'en d'vé.

Livonia
 

Viyiz étout:

 

Les Pages Jèrriaises