Un campagnard vint l'aut'e jour à la boutique avec iun d'ses garçons, un mousse de tchinze ou seize ans.
J'étais tout seu au bureau dans l'temps.
“Caouain, qu'i' m'dit, je voudrais pliaichi chu jeune homme ichin. Sa mémée s'est mins dans la tête qu'i' f'thait un bouan journaliste car il est bain cleveur et a une superbe main d'êcrituthe.
Ah ça, tu dais bain saver té, si ch'est une bouanne profèssion. Est-che un mètchi qui paie?”
“Ah dame oui!” j'li raîponni, “Ch'est-à-dithe pus ou mains. Ergardez-mé par exemplye. V'là trente siaiax ans que j'sis d'la prefession et duthant -
Mais l'bouonhomme me prins au mot, et s'mins à me r'garder dêpis la tête jusqu'ès pids et pis i' j'tit un r'gard dêdaigneux sus l'ameublyement d'la boutique et se touânant à san fils, i' li dit: “Ph'lippe, i' faut nos en raller dans nos patates!”...
Lé Caouain
Les Chroniques de Jersey 17/4/1920
Viyiz étout: