Les Pages Jèrriaises

Pour vos amuser

I' y a tchique temps un certain prédicateur se trouvi bain malade, et quand san docteu l'eut examiné, i' li dit qu'l avait une attaque d' “appendicitis” et qu'une opéthation immédiate était nécessaithe.

I' s'décidi de s'y soumettre, mais i' s'adonni que tandis que l'docteu était à opéther, une maison dans l's envithons prins à feu et la lueur êcliaithait l'appartement dans tchi qu'ils 'taient. Quand l'docteu eut fini, i' dit à la “nurse,” “Abattez ches ridgeaux-là tout-d'suite, car quand i' r'rendra connaissance, si ch'est qu'i' viyait ches flammes-là, i' craithai que l'opéthation n'avait pas réussi!”

Lé Caouain
Les Chroniques de Jersey 3/7/1920

 

Viyiz étout:

 

Les Pages Jèrriaises