|
Ieau d'Colongne et ieau dé cidre - nou s'arrouôse d'esprits à fliot et souos les louêmes tch'înnondîdrent, coumme du vrai v'nu par ilo, fliotte acanté l'ieau tch'i' nyîdrent. Coumme un nouai à navidgi, not' navithe crait dans l'litchide tchi nos cache dans l'cliapotis, sans cap'taine, pilote ni dgide nou s'êcliuse du r'sîn du frit. À la barre, j'avons trop sué pouor s'rassâsier raîque du vîn. J'sommes à fliot, véthe, j'sommes en mé, j'fraudons des couothants, du r'sîn, dg'ieau d'cidre, dg'ieau d'Colongne vèrsée. Geraint Jennings 10/10/10 |
Viyiz étout: