|
L'aut' jour je fus siez l'vaisin Phlipe: Il 'tait souls, quasi à rouoler: I' v'nait de perchi un' fraiche pipe Et i' m'en donnit à gouter. L'cidre, ma fé, était d'bouann' sorte; Il avait ocouo du piquet J'en bus tant que l'guiablle m'emporte Si je n'en eus pon le hiquet. Quand je r'vins siez nous je n'fis qu'rire; J'étais, su' m'n âme, de bouanne humeur: Manon se contentit de m'dire, Eh! bein, man Jean, r'vas-y s'tu veurs. Si ch'est qu'j'y rétouannis, oui ou non, N'est pas de bein grand' consequence; Ecoutèz la fin d'ma chanson Ch'est là qu'en est toute l'excellence. Une aut' fais quand ous airez sé, Contentous de ll'iaue d'la fontaine. Ou n'vos mont'ra pas au chervé. Et ou s'ra pour vous bein pus saine. |
Viyiz étout: