Les Pages Jèrriaises

Doeux Suffragettes


Eh bein Hanriette, pour tchi que tu voti,
A chute grande Election de Mardi?
Ah! pour de mé se fit la vaizine Hanriette,
Je sis eunne vraie et deridais Suffragette,
Et si j'avais peut donné vingt voies
Je les ethais donneais toutes pour Mousie Boies.
Et té pour tchi, pour tchi que tu voti.
Eche eun secret, tu ne me las pas oucouo dit?
Ah! tu devineras, se fit la vaizine Sophie,
Tu sait que je tréjous tait pour l'économie,
Et que je sis et que je scai tréjous contre l'orgit.
Ches pourtchi devine pourtchi que je voti,
Si men candidat avait tet élu je n'en doute pas
Qu'il éthait tet le pus grand homme dans les Etats.

Te rasouviens tu d'eun bouonhomme qui praichait?
Et entre aoutre ne v'chin cha qui disait:
Si touos les hommes 'taient en eun homme,
Oh! quel grand homme:
Et que touos les Boies tes en eun Boies,
Oh! quel grand Boies;
Et si toutes les haches tes en eunne hache,
Oh! quelle grande hache;
Et que le grand houmme prendrait la grande hache
Et couperait le grand Boies et qui tchierait bas,
Mes frères quel patafias!
Ches la yieunne des prophesies qui n'a pas tet accomplie,
Peut-être que v'la qui veindra,
On verra.

 

Eune Suffragette de Maufant

Nouvelle Chronique de Jersey 21/12/1910

 

Viyiz étout:

 

Les Pages Jèrriaises