|
Dans ma pouchette j'ai un douze-sou Et des boutiques j'veins d'faithe lé tou, Car pouor ma M'mèe j'veurs acater Un bieau présent pouor li donner. Jé voudrais pouortant li trouver Tchiquechose dé rare et vraîment bé. Mais i' m' ont dit ouais' qu' j'ai 'té partout Qui n'y a rein à vendre pouor douze-sous. Y' a des colliers et des bracelets, Des souliers et des cauches en souaie, Mais pouor chenna, i' faut un tas d'sous, Et quant à mé, jé n'ai qu'douze sous. J'ai veu des mouochets en belle blianche telle, Couosus avec un tas d' dentelle; Mais ches bieautés n'sont pas pouor mé, Tchi don qué j'pouôrrais li donner? Dgieu mèrci, tout est arrangi, Car j'ai trouvé un boutitchi Tchi m'a vendu pouor man douze-sou Eune boêtée d' poudre dé trente-siez sous. |
Viyiz étout: