Pour en vais y'ieunne mus giernie faûdrait aller lyien -
Dans chu genre dé coummerce la, y n'y mantchait dé rein,
Et lé marchand qui la gardait faisait un gros débit
Dé litcheu', dé vin, et dé toutes sortes d'esprit;
Y'sé vantait d'en aver dé toutes merques et fabriques.
Et qu'y' l'acc'modait tréjous châtchunne dé ses pratiques,
Qu'y' l'avait au bésoin dé tout chein qu'y voulaient,
Dépis d'l'esprit lé pus fin jusqu'à d'l'esprit dé bouais!
Pour l'èsprouver pourtant, y n'adoûnni qu'unn'fais
Y y'iéntri sièz-l'y trais farceurs bein counnus.
Qu'y s'minrent à cherchi parmi les bouteilles et fûts,
Et à lière touôs les nons qu'étaient éscrits dessus
Dans, tout coumme, y trouver dé rein à lus goût,
Quoiqu'lé bouann'houmme disait qu'y'l'en avait pour tous!
Y'ieun d'y'ieux, à la fin, s'apprèche du compteux,
Et dit au marchand d'un air bein sérieux:-
"J'avons 'tait trompès, car n'ou nos avait dit
"Què n'ou trouv'rait ichin toutes sortes d'esprit-
"Mais j'en cherchons y'ieunne, et jé n'la trouvons pon!"
"Dites-m'en," sé fit l'autre, "sa qualité ou san nom,
"Car ou n'avez pas veu la maîntchi d'mes litcheurs,
" J'en garde, jé vos l'asseûre, dé l'esprit par aillieurs."
"Eh bein," l'y dit lé farceux, "jé vos f'rait unn' question:
"Gard'ous dé l'esprit dé la contradiction?"
"J'en ai, j'en ai, résponnit lé marchand, "d'la véritable sorte!"
Et au fond dé sa boutique y sort par unn'porte,
Et dans deusse trais minutes lé v'là tchi r'veint
Ténant - s'y vôs plaît, sa femme par la main!....

J.P.