Les Pages Jèrriaises

Vouesin - Voisin

 

JERRIAIS!

Nos v'chin de'r'tou d'Angliéterre et
dé d'sus l'Continent, faithe un
Chouaix dé Marchandises d'Hivé pour
Femmes, Hoummes, Garçons, Filles et
Fillettes.

A forche dé savé nos y prendre, j'avons
dèscouért des marchandises quazi pour rin.
Ch'est-t'an-tchi, ch't'hivé, y'étha moyen
d'faithe dé bieaux bardjins siez nous.

J'avons du FLIENNET et du SOUANNE
SQUINNE pour faithe des habits dé
d'sus.

Du BAZIN, du CORDÉRÉ, du DRAP
et du MOLTON pour Braies, Casaques et
Qu'minzolles.

Des Chapiaux doubliés d'souée,
Des MOUOCHETS d'POUCHETTE
en Irish.
Des CAUCHES en souée, en cotton et
en fi d'laine.
Des GANTS d'enterrement, d'neuches
et d'églyise.
Des CRAVATTES,
des MEUFFLEURS,
et des D'JÊNNES
dé toutes les faichons.

Enfin, j'avons dé tout, et tout not' fait
ést d'un BUON-MARCHI ÉSTOUN-
NANT et d'la preummié qualité.

V'nez nos vais en l'heuthe et ou s'sez
èsgallués.

VOUESIN
ET COMPAGNIE,
Mue connue coumme la Boutique à
MESS VOUESIN, de la
RUE D'DRIÈTHE,
établie 1837

 

Nouvelle Chronique de Jersey, Dézembre 1894

 

 

Les jerriais tchi veulent coyé lus sous ithont tréjous siez les MESSIEUX VOUESIN. Chès là qu'n'ou trouve lé miyieu bâzin a braies pour duthé et qu'y n'change pon au lavage; san conté qu'auprès l'z'avé portés deux ou très ans y peuvent oquo servi pour r'couvri les cuossins d'la vétuthe. Lus jaune cotton ès pus fort que d'la telle, et y'a pas par dévan yeux pour èstchippé un garçon pour la Côte.
 

Bram Bilo
1890
  

Viyiz étout:

 

Les Pages Jèrriaises