Où'est qu'est, oh! où'est qu'est not' pouorr' vieille boëte à s'no?
Où'est qu'est, oh! où'est qu'est not' pouorr' vieille boëte à s'no?
O'ul est horte à couorre dans la paute à tchic farceux
Et j'voudraîmes, oh j'voudraîmes, la r'aver sus not' compteux!
Et j'voudraîmes, oh j'voudraîmes, la r'aver sus not' compteux!

Où'est qu'ch'est, oh! où'est qu'ch'est qu'vot' boëte à s'no a sa plièche?
Où'est qu'ch'est, oh! où'est qu'ch'est qu'vot' boëte à s'no a sa plièche?
Aupi du pot à encre endré touos les messieux.
Et j'voudraîmes, oh! j'voudraîmes, l'a r'vaie sus not' compteux!
Et j'voudraîmes, oh! j'voudraîmes, l'a r'vaie sus not' compteux!

De tchi, oh! de tchi que vot' boëte à s'no est faite?
De tchi, oh! de tchi que vot' boëte à s'no est faite?
Ou'l est faite en papi mâchi et nos couôti huit sous
Et j'voudraîmes, oh! j'voudraîmes, qu'ou r'séthai déjà de r'tou.
Et j'voudraîmes, oh! j'voudraîmes, qu'ou r'séthai déjà de r'tou.

Tch'est qu'ou' f'thèz, oh! tch'est qu'ou' f'thèz au sien qui l'a emportèe?
Tch'est qu'ou' f'thèz, oh! tch'est qu'ou' f'thèz au sien qui l'a emportèe?
Ah, l'pamphêque, dès qu'je l'counnaîtrons, je lis teurtéthons l'co,
Car j'voudraîmes, oh j'voudraîmes, r'aver not' boëte à s'no'.
Car j'voudraîmes, oh j'voudraîmes, r'aver not' boëte à s'no'.

Mais dites-mé, oh! dites-mé, si vot' boëte jamais né r'veint?
Mais dites-mé, oh! dites-mé, si vot' boëte jamais né r'veint?
J'en pleuthons p't'être un p'tit, mais j'y profit'tons un mio,
Car sans boëte - car sans boëte - je n'fournithons pus de s'no!
Car sans boëte - car sans boëte - je n'fournithons pus de s'no!

Élie