J'ai prins ta boëte,
Ta boëte à s'no;
Et j'mé fais fète,
D'avé fait l'dro.

J'l'ai dans ma paute,
Ov ma brioche:
Ch'est bin d'ta faute
Si, quand la clloche

Du tée sounni,
Au haut de d'grées
Tu ramonti
Souentre les beurrées.

J'resti tout seu'
Etait'ous bête!
Persounne n'a veu
Sn'allé chutte boëte.

J'ai hummé l'sno
Qui restait d'dans,
J'ai peux qu'chu dro
Te touônne les sens!

Ni sno ni boëte
Tu ne r'verras,
(J'ai dans la tête)
D'vant man trépas.

J'ai prins ta boëte,
Ta boëte à s'no;
Et j'mé fais fète,
D'avé fait l'dro.
 

ANON NYME