|
J'avons chinq chents lecteurs qui s'n'ocquent Il en veint un fliotchet d'la Rocque Et un tas d'par l'Eta' Et les deux Miss Duva', Qui disent que ch'est que l'nèz lus brocque! Et j'avons un gérant soucieux D'faithe de san mus pour les s'notcheux; L'autr' jour il acatti Une boëte et la plièchi, Plienne de bouan s'no, sus notr' compteux! J'l'avons yeue là devièrs quinze jours Au grand plaisi des gens d'la Cour Qu'ont d'bliancs mouochets d'pouchette Et ne s'nocquent qu'en cachette En finissant lus p'tits discours! Mais j'avons un farceux d'client Qu'en prins, Samedi, et l'aimi tant Qu'ov li, boëte et cont'nu Ont pourbon dispathu. Ch'est vraiment s'fichi trop des gens! |
Viyiz étout: