Y m' dis: "It's one in Briar wood, .
"This is the one a smoke is good,"
De toutes ses pipes, il en avait déjà trais
Qui étaient faites de certain boies.

Chest là sa pipe, sa favorite;
Oulle est si ligièthe et pis si p'tite,
Y fume tréjous après sen thées,
Mais tréjous dans sa p tite pipe en boies.

Il en a yieunne d êtchumme de mé,
Qui fait tout tchui peut pour couleuthé.
Et pis il en a yieunne en "Fancy Clay,"
Et tout le restant sont toutes de boies.

Quand il est à fumé, il est erdréchi
Comme un Captaine ou un Chant'gni:
Il a l air heutheux, et, en êffet, y yiest
Quand il a sa p'tite pipe en boies.

Souvent quand y s'en va s'proumné,
Je l'ai veu pus d eunne fais ertouonnait
S il avait prins la siènne couverte de chamoies
Y ertouonnait pour prendre la siènne en boies.

Enfin, j'avons tous un certain hobbi,
Si chn'est pas eunne pipe, chest p't-être un habit,
Y faut laissi les siens que lus joîe
Est de fumé dans des pipes en boies.

Y ne faut pas grondre les fumeurs,
V'là qui les mettrait de mauvaise humeur:
Mais, si fumaient un cigare tchique fais,
Et pas tréjous une pipe en boies.

Livonia