Du jus leuneux russelle lé tou des vîngnes -
nou-s'en gouôte eune vèrrée d'argent et d'vèrt.
Les tambours et les bachîns lus hèrtchîngnent...
Assa, j'avons mîns la tchéthue en Sèr.

Des brits sauvages ravaûdent dans la cliôsée;
i' vente à faithe parféner touos les mèrs.
Ch'est atout l'pur jus qu'nou-s'est arrouôsé...
Assa, j'avons mîns la tchéthue en Sèr.

Lé cliapotis des couleurs ouappe et r'tchîngne;
les bachîns et les dgitares font la dgèrre;
les vouaix et violons êtampent les vîngnes...
Assa, j'avons mîns la tchéthue en Sèr.

Geraint Jennings