Une Suggestion
|
Pour nos am'ner des tas d'visiteurs les Compagnies devthaient nos donner un service direct, - et à bain miyeu marchi. (La N.C. de Samedi). |
|
Allons, Messieux, mesdames, embèrtchiz, Né f'chin chein qu'ou voulez; Un viage direct, à bain bas prix; Payiz coumme ou pouvez! Car sou n'pouvez pon affaurder A nos payi un louis Je s'sons contents d'vos ac'moder Pour pas mains qu'one an' three! Allons, Messieux, Mesdames, à bord! Pour pliaithe ès bouans Jerriais, J'filons tout drait dès qué j'soumes hors Et j'n'avons pas d'arrêts! Pas d'autre embête, en D'Jernési, Avec un tas d'paniers; J'allons d'un trait jusqu'en Jerry Ov touos nos passagiers! Allons, Messieux, Mesdames, quothage! Jamais je s'ommes gênés Par tempête, pl'yie, bliaze ou orage Dé toute la traversée! Mais savous bain tch'est qu'est l'pus bé? Ch'est qu'sus l'baté d'Jerry Ou n'craindrez pus le ma d'la mé Car jé v'nons d'l'aboli!
|
Viyiz étout: