|
Mil neu chent treis quémenche achteu; Et les clioches sonnent de si bouan tcheu! Pour annoncer qu'une autre année Remplièche la cheinne qui s'est passée Si vite et pour nous... Espéthons tous; Faisons d'not mus, Nou n'peut faithe pus. Qu'l'année qu'est horte à si grands pas Nos serve d'léçon ichin bas. Coumme ou s'en va j'nos en allons, Coumme oul est horte j'nos en ithons. N'y pas dé r'tout, Faut tchitter tout, Choiesissons l'bein Et n'craignons rein. Qu'lannée qui qu'menche essait, lecteu', Pour vous et mé plienne de bonheu'; Qu'les clioches qu'annoncent le nouvel an Nouos apportent à tous content'ment, Prospéthité, Trantchuilité, Et tout succès S'lon nos souhaits.
|
Viyiz étout: