Y'a une janne fille qué j'connais:
Ch'est Julie!
Ses yeux sont nièrs comme du jais:
Ch'est Julie!
Quand j'vé les roses sus ses jaux
Et les ch'veux avant san dos
J'peux même lis dithe deux mots
A Julie!
Ma Julie, ma chérie
Ma Julie, ma chérie
Las! que j'sis indigne d'té,
Ma Julie!
Jé t'aime sans vouler té l'dithe
Et sans même oser t'l'êcrithe,
D'crainte qué tu puorrais en rithe,
Oh Julie!
Quand j'la vé à san travas,
Ma Julie!
Tuonnant l'fain à tour de bras,
Ma Julie!
Je n'peux pas dêtouanner l's'yeux
Ou m'enchorchelle, j'en sis seux,
J'sis v'nu fo dé d'pis qu'j'lai veue
Ma Julie!
Ma Julie, ma chérie
Ma Julie, ma chérie
Las! que j'sis indigne d'té,
Ma Julie!
Jé t'aime sans vouler té l'dithe
Et sans même oser t'l'êcrithe,
D'crainte qué tu puorrais en rithe,
Oh Julie!
Quand j'ai fini ma journée,
Ch'est Julie!
Qu'est tout l'temps d'vant ma pensée;
Ma Julie!
En fumant ma pipe au sér,
Au Dimanche quand j'vais m'promner,
J'sis tout l'temps à soupither:
Ma Julie!
Ma Julie, ma chérie
Ma Julie, ma chérie
Las! que j'sis indigne d'té,
Ma Julie!
Jé t'aime sans vouler té l'dithe
Et sans même oser t'l'êcrithe,
D'crainte qué tu puorrais en rithe,
Oh Julie!
Mais hélas! ch'est tout en vain
Ma Julie!
Faut tréjous m'garder bein l'yain
D'ma Julie!
L'héthitchèthe d'un grand fermi
N'veur rein d'un puorr' journa'yi
Quand même i muorrait pour yi
Ah Julie!...
Ma Julie, ma chérie
Ma Julie, ma chérie
Las! que j'sis indigne d'té,
Ma Julie!
Jé t'aime sans vouler té l'dithe
Et sans même oser t'l'êcrithe,
D'crainte qué tu puorrais en rithe,
Oh Julie!
Triste Sort
|
