| Colin | Je t's'rai doux comme est l'shucre, Tendre comme est à la flieur La rosée quand ouquéit mucre Sus sa fieille à syn'de jour. |
| Colette | Et mé, je serai ta rose ; Té, l'soleit qui ly suorit Y n'y a pon d'effet sans cause Ton amour sus l'mein erlit. |
| Colin | Mais la rose la pus belle A ben souvent des piquets ; Es-tu seur, ma hardelle, Que tu m'aim'ras à jamais. |
| Colette | Ah! je sais que la rosée Du matin au sé n'est pus Souvent fillette s'est fiée Sus des vrais bâtons rompus. |
| Colin et Colette | Ah ! crai-mé crai-mé, j't'en prie ; T'oublier je ne puorrais Je te dévourai ma vie Ver et ver, à tout jamais. |
Viyiz étout: