L'Frainque d'une paraisse d'amont est ieun de chest hommes qui travaillent dur du matin jusqu'au sé dans ses clios mais d'temps en temps y s'met' en bordée.
L'autre sé, rentrant d'la ville sièz ly, ayant prins pas mal d'p'tits d'gouts de gin, y s'trouvait dans le bel quand en ergardant dans l'puits il vit la leune dans l'ieau.
Oh, mais n'v'la qui n'peut pon rester d'même, qui s'fit et le v'la hors dans la tchuisine pouor aller chercher un boutchèt. Et avec chu boutchèt y s'met a essayi d'sauver la leune!
Touot d'un coup y s'appréchi trop près, faut craithe ou bein les gambes ly mantchirent, tréjous est-y qu'il alla tchès dans l'puits quasiment à sec et pas bein profond.
Et l'Frainque de se faire: N'v'la qui n'fait rein... j'ai réussi quand même, car achteu j'vais que la leune est à sa pliaiche au-dessus d'ma tête!
Viyiz étout: