Les Pages Jèrriaises

J'vai d's êtchèrbots lithant, des galots d'or

J'vai d's êtchèrbots lithant, des galots d'or,
des moûques à myi dgêpent dgaiement, des mios d'jais,
et la bieauté du gardîn en dêgôrre,
des jets d'êm'raude; y'a des dgiamants tch'en tchaient

pouor bouler la bijout'tie ès bordeuses;
les moûques à flieurs y fliottent à dgi l'adèrt;
les fielles portent des colièrs dé carpéleûses,
dé tries d'bouais entr'-enlachies auve des vèrs.

Lé solé fait tout r'lithe; pêtres et pétales,
nou-s'y vait eune trésôr'rie en châque pot:
des frâses, pus rouoges qu'des rubis, lus dêhalent,
et j'vai des galots d'or, ches êtchèrbots.


Geraint Jennings

 

Viyiz étout:

 

Les Pages Jèrriaises