I' s'muche, i' s'mouontre. Né v'là enfîn, ou l'a happé.
Ses néthes lèvres lî donne un long baîsi langouotheux.
Oulle est à caûffer l'fou en s'caûffant au solé.
Assèz d'la leunmiéthe! Qu'i' y'ait dé la nièrcheu

pouor muchi les amours du solé et d'la leune.
Mais lus jouaie lit - tchi souôri ênorme ès clièrgeons!
Lus lèvres lus câressent, lus muchent, murmuthent, mentent. Autcheune
véthité est êclyipsée. J'viyons et j'savons.

Têmouains dé lus mathiage, souôlîngnons-lé achteu.
Lus liet 'tait caud et doux - ichîn-bas la fraîcheu
s'en va ramémouaither lé fraid craîssant des cieux -
lé jour d'l'amour céleste - la r'vèrdie à méjeu.

Geraint Jennings
Lé onze d'Août, 1999 - lé jour d'l'êclyipse