L'av-ous veue, la conmète? Ou s'trouve dans nos cieux les mais d'mars et d'avri, et p't-être dans mai étout. Ou r'semblye à eune êtaile mais auve eune p'tite coue en driéthe. San nom est bein drôle - ou s'appelle Hale-Bopp, nommée pour les deux hommes qui la découvrit bein liain d'not' monde parmi l's êtailes en 1995.
L'temps jadis, les gens soulaient craithe qu'les conmètes portaitent le malheu - la comnète Haley visitit ches endraits quand not' duc Dgilliaumme 'tait en train d'contchéthi l'Angliétèrre. Viyant qu'lus rouai Harold fut tué à la batâle d'Hastîngue, ch'est pon surprannant si l's angliais avaient supèrstitions entouor dité.
J'espéthons qu'ous avez tous allé vaie la conmète. Et bein qu'j'sommes des étudgiants - j'avons lius nos grands dictionnaithes.
Viyiz étout: