| Je sis du parti des Pendards | ||
| Dé réchivaill's chla no's nettie: | ||
| Si Officier d'Haute oeuvre ichin j' n'aveimes, | ||
| Nou n's'rait, Madé! Pas seur de sa puôr vie. | ||
| Vive à jamais, donc, Parti des Pendards! | ||
| Adam, - vrai, - n'pendit pon Caïn | ||
| Qui, l'premier, coummins grand forfait: | ||
| Mais faut êtr' niais sis nou' n'sait pas pourqui? | ||
| Chest car, à-main, i' n'avait pas d'gibet... | ||
| Vive à jamais, donc, Parti des Pendards! | ||
| Pendez, brûlez, - coumme i' vos pliait, - | ||
| Mais, tuez coumm' Moïse enseignit: | ||
| Ah! qu'il 'tait sage et grand quand i' disait - | ||
| “Mes éfants! Dent pour dent et yi pour yi.” | ||
| Vive à jamais, donc, Parti des Pendards! | ||
| Un prophète a deu dire un jour | ||
| “Mort du Pécheur Dieu ne désire, | ||
| Mais qu'i s'convertisse et qu'i vive.” - Eh! donc! | ||
| Mais... si chu prophète était en délire? | ||
| Vive à jamais, donc, Parti des Pendards! | ||
| L'évangile est rué à not' fache; | ||
| Mais, - i' no's vint pour no's sauver | ||
| Nous qu'allons à l'Eglise et la Chapelle! | ||
| Je n'le vé pas pour criminel pliaider. | ||
| Vive à jamais, donc, Parti des Pendards! | ||
| Nou pâl' du Grand Futur... Nou dit | ||
| Qu'assassin même est notre frère!!! | (I' frémit à l'idée). | |
| (Monté) | Pourqui, Tueux; n'ya-t-i' pas songi devant? | |
| Qui s'lique! Est v'nu son tou. Chest sen affaire. | ||
| Vive à jamais, donc, Parti des Pendards! | ||
| Nou dit que Vie par Dieu dounnée, | ||
| Dieu seul a l'droit de la rapp'ler. | ||
| (En colère) | - Si j'criyais chla, ma march' s'rait arrêtée - | |
| Bein vite au Synanog' je m'frais r'chever! | ||
| Vive à jamais, donc, Parti des Pendards! | ||
L.
Aout 11, 1875
Viyiz étout: